Le nouveau single « Richa » est en ligne !
11 juillet 2015
Richa audio version
Télécharger gratuitement « Richa » en MP3
14 juillet 2015

الريشة

نروي ليك قصة حكاوها لي زمان
حكاية العود اللي ايامه كلها حزان
مسكين العود دموعه جارية
يا حسرة عليك يا اوتاره البالية
قلت ليه اطربني بالحان جميلة
نعيش نغامك و نسهر الليلة
عطاني الجواب بمقامات حزينة
و صاح : راني مشتاق لنعومة الريشة

الريشة هجرتني ايام و ليالي
خلاتني هايم فدموعي و حزاني
الريشة هجرتني ايام و ليالي
و بقيت فريد مهموم و وحداني

خذيت العود في حضاني و واسيتو
مسحت ليه مرايتو و ساويتو
فصلت لو ريشة من تا و جديد
قال لي محال محال ننسى الحبيب
الريشة دندنات فوق وتاري أيام
الريشة غنات لي شعور و ألحان
الريشة ونساتني شهور و أعوام
خلاتني وحيد و فالماضي سرحان

الريشة هجرتني، ايام و ليالي
خلاتني هايم فدموعي و حزاني
الريشة هجرتني، ايام و ليالي
و بقيت فريد مهموم و وحداني

Comments are closed.

Top